Mar 23 2010
«Ասուլիս» Հորիզոնի եթերում – 20.03.2010
«Ասուլիս» Հորիզոնի եթերում – (Հարութ Սասունյան, Ժան Կոսակյան, Ապո Պողիկյան, Արմեն Այվազյան)։ Լոս Անջելես, (ԱՄՆ), 20.03.2010:
Mar 16 2010
Ա. Այվազյանի հարցազրույցը «Հայ Տուն» ծրագրին – 10.03.2010
Արմեն Այվազյանի հարցազրույցը «Հայ Տուն» ծրագրին։ Լոս Անջելես (ԱՄՆ), 10.03.2010:
Feb 19 2010
«Արարատն» ընդդեմ «Կովկասի» գործը ՀՀ վերաքննիչ քաղաքացիական դատարանում
Այս գործի մասին բոլոր նյութերին կարող եք ծանոթանալ Ardarutyun.org կայքում՝
ԱՐԱՐԱՏ ռազմավարագիտական կենտրոնի ՎԵՐԱՔՆՆԻՉ ԲՈՂՈՔ-ը
Հայաստանում առաջին դատական հայցը Ցեղասպանության ժխտման դեմ (Հայցադիմումի ամբողջական տեքստը)
- Թույլատրելի՞ է արդյոք Հայաստանում ցեղասպանությունը ժխտող գրականություն հրատարակելը, Armar.am, Գոհար Փիլթոյան, 19.02.2010
- Հերքել, թե չհերքել Հայոց ցեղասպանության եղելությունը վիճարկող հրապարակումը, Hetq.am, Սառա Պետրոսյան, 19.02.2010
- «Արարատը» հասել է վերաքննիչ դատարան, Yerkir.am, Կարինե Մանգասարյան, 19.02.2010
- Вердикт прозвучит 5 марта, Golos.am, Александр Товмасян, 20.02.2010
- Վերաքննիչ դատարանը «Արարատ» կենտրոնն ընդդեմ «Կովկասի ինստիտուտ» հիմնադրամի գործով որոշումը կհրապարակի մարտի 5-ին, Noyan-tapan.am, 19.02.2010
- Վերաքննիչ դատարանի նիստի ամբողջական ձայնագրությունը, Ardarutyun.org, 19.02.2010
Feb 05 2010
Վերաքննիչ բողոքը վարույթ ընդունելու մասին
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎԵՐԱՔՆՆԻՉ ՔԱՂԱՔԱՑԻԱԿԱՆ ԴԱՏԱՐԱՆ
ՈՐՈՇՈՒՄ
ՎԵՐԱՔՆՆԻՉ ԲՈՂՈՔԸ ՎԱՐՈՒՅԹ ԸՆԴՈՒՆԵԼՈՒ ՄԱՍԻՆ
21 հունվարի, 2010թ. ք. Երևան
Հայաստանի Հանրապետության վերաքննիչ քաղաքացիական դատարանը (այսուհետ՝ Վերաքննիչ դատարան),
նախագահությամբ Ա. ՄԿՐՏՉՅԱՆԻ
մասնակցությամբ դատավորներ Ն. ՀՈՎՍԵՓՅԱՆԻ
Ն. ԲԱՐՍԵՂՅԱՆԻ
քննարկելով թիվ ԵԿԴ-2246/02/09 քաղաքացիական գործով՝ ըստ հայցի «Արարատ» ռազմավարագիտական կենտրոն հասարակական կազմակերպության ընդդեմ «Կովկասի ինստիտուտ» հիմնադրամի՝ 2008 թվականին «Կովկասի ինստիտուտ» հիմնադրամի հրատարակած «Կովկասյան հարևանություն. Թուրքիան և Հարավային Կովկասը» գրքում հայոց ցեղասպանության եղելությունը վիճարկող հրապարակման հերքումը պատասխանողին պարտավորեցնելու, ցեղասպանություն բառի չակերտավոր կիրառումն արգելելու և բարոյական վնասը հատուցելու պահանջի մասին, Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի (այսուհետ՝ նաև Դատարան) 04.12.2009 թվականի վճռի դեմ «Արարատ» ռազմավարագիտական կենտրոն հասարակական կազմակերպության կողմից բերված վերաքննիչ բողոքը վարույթ ընդունելու հարցը, պարզեց.
Jan 30 2010
Փետրվարի 19–ին Վերաքննիչ դատարանը լսելու է «Արարատ» կենտրոնի բողոքն ընդդեմ «Կովկասյան ինստիտուտի»
Աղբյուրը՝ 7or.am, 30.01.2010
2010թ. փետրվարի 19-ին Վերաքննիչ դատարանում լսվելու է «Արարատ» ռազմավարագիտական կենտրոնի ներկայացրած բողոքն ընդդեմ «Կովկասյան ինստիտուտ» հիմնադրամի:
«Արարատ» կենտրոնի հայցի առարկան Հայոց ցեղասպանության եղելությունը վիճարկող հրապարակումները «Կովկասի ինստիտուտին» հերքել պարտավորեցնելն է, ցեղասպանություն բառի չակերտավոր կիրառումն արգելելը և նշված հրապարակումներով պատճառված վնասի հատուցումը: Հայցադիմումում նշված է, որ հայցի հիմնական նպատակներից է իրավական նախադեպի ստեղծումը, այդ թվում՝ ապագայում Հայաստանում ժխտողական գրականություն տպագրելու և տարածելու արգելումը։
«Կովկասի ինստիտուտ» հիմնադրամը 2008-ին Երևանում հրատարակել է «Կովկասյան հարևանություն. Թուրքիան և Հարավային Կովկասը» վերտառությամբ գիրքը, որի խմբագիրն է «Կովկասի ինստիտուտ» հիմնադրամի տնօրեն Ալեքսանդր Իսկանդարյանը։
Հիշեցնենք, որ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2009թ. դեկտեմբերի 4-ի վճռով սույն գործի վարույթը կարճվել է՝ վեճը դատարանում քննության ենթակա չլինելու հիմքով:
Jan 30 2010
Պատերազմի հավանականությունը մեծացե՞լ է
Աղբյուր՝ 7or.am, 30.01.2010
«Արարատ» ռազմավարագիտական կենտրոնի տնօրեն Արմեն Այվազյանը «7օր»-ին ասել է, որ սկսած 1988-ից՝ ասվում է, որ Լեռնային Ղարաբաղի հարցը պետք է շուտափույթ կարգավորվի, սակայն անցել է 22 տարի, իսկ հակամարտությունն այդպես էլ չի կարգավորվել, քանի որ կարճաժամկետ լուծում չի կարող ունենալ.
-Այդ խնդիրը ոչ միայն Արցախի, այլև ՀՀ-ի երկարաժամկետ անվտանգությանն է վերաբերում։ Ոչ միայն ինքնորոշման խնդիր է դրված, այլ ՀՀ-ն պետք է ունենա որոշակի տարածքային երաշխիքներ երկարաժամկետ հեռանկարում իր անվտանգությունն ապահովելու, զարգանալու հնարավորություններ ունենալու համար,- նշել է Ա. Այվազյանը՝ հավելելով, որ ԼՂ-ի վերաբերյալ փաստաթղթեր կարող են ստորագրվել, սակայն եթե դրանցում ՀՀ-ի անվտանգության կենսական շահերը պաշտպանված չլինեն, ապա այդ փաստաթղթերն է՛լ ավելի կխճճեն և կսրեն իրավիճակը։
Jan 28 2010
Արմեն Այվազյան. «Մեր նպատակն է Հայաստանում արգելել Ցեղասպանությունը ժխտող գրականության տպագրումն ու տարածումը»
Աղբյուրը՝ ArmAr.am, 27.01.2010
Երեկ «A1plus» և «Armtoday» կայքերն անդրադարձել էին «Արարատ» ռազմավարագիտական կենտրոնի ներկայացարած Վերաքննիչ բողոքին ընդդեմ «Կովկասյան ինստիտուտ» հիմնադրամի: Ինչպես պարզվեց, նյութերում տեղ են գտել նկատելի անճշտություններ:
Այս կապակցությամբ «Արարատ» կենտրոնի տնօրեն Արմեն Այվազյանը ArmAr.am-ին ներկայացրեց իր մեկնաբանությունը. «Այդ նյութերը, մեղմ ասած, աչքի չեն ընկնում պրոֆեսիոնալիզմով: Նախ, նրանք նշել են, որ ընդամենը մեկ շաբաթ է անցել, ինչ «Արարատ» ռազմավարագիտական կենտրոնը Վերաքննիչ բողոք է ներկայացրել, մինչդեռ դա եղել է 2009-ի դեկտեմբերի 30-ին»:
Բայց սա ամենակարևորը չէ: Բացի ժամանակագրական սխալից, այստեղ տեղ են գտել նաև բովանդակային սխալներ: Ըստ Արմեն Այվազյանի, հրապարակված նյութերում բավականին պարզունակ ձևով է ներկայացվում հայցը. նշվում է միայն, թե ըստ «Արարատ» կենտրոնի` Ալեքսանդր Իսկանդարյանը նույնպես հերքում է Հայոց Ցեղասպանության փաստը, եթե իր խմբագրած գրքում տեղ է գտել թուրք հեղինակի` Ցեղասպանությունը ժխտող հոդվածը: Մինչդեռ խնդիրն ավելի ընդգրկուն է:
Dec 31 2009
ԱՐԱՐԱՏ ռազմավարագիտական կենտրոնի ՎԵՐԱՔՆՆԻՉ ԲՈՂՈՔ-ը
Հայաստանի Հանրապետության
վերաքննիչ քաղաքացիական դատարանին
Հայցվոր (բողոք բերած անձ)`
«ԱՐԱՐԱՏ» ռազմավարագիտական կենտրոն
հասարակական կազմակերպություն
Պատասխանող`
«ԿՈՎԿԱՍԻ ԻՆՍՏԻՏՈՒՏ» հիմնադրամ
ՎԵՐԱՔՆՆԻՉ ԲՈՂՈՔ
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի (այսուհետ` Դատարան) 2009 թվականի դեկտեմբերի 4-ի վճռով թիվ ԵԿԴ/2246/02/09 քաղաքացիական գործի վարույթը կարճվել է` վեճը դատարանում քննության ենթակա չլինելու հիմքով:
I.Գործի դատավարական նախապատմությունը
2009 թվականի սեպտեմբերի 17-ին «ԱՐԱՐԱՏ» ռազմավարագիտական կենտրոն հասարակական կազմակերպությունը (այսուհետ` Հայցվոր) հայց է ներկայացրել Դատարան ընդդեմ «ԿՈՎԿԱՍԻ ԻՆՍՏԻՏՈՒՏ» հիմնադրամի (այսուհետ` Պատասխանող)` հայոց ցեղասպանության եղելությունը վիճարկող հրապարակման հերքումը պարտավորեցնելու, ցեղասպանություն բառի չակերտավոր կիրառումն արգելելու և վնասի հատուցման պահանջի մասին:
Continue Reading »
Dec 22 2009
«France-Arménie».«Իսկանդարյանը ակնարկում է, թե Արևմտյան Հայաստանը հայկական հող չէ»
ArmAr.am, 21.12.2009
Ինչպես հայտնի է, «Արարատ» ռազմավարագիտական կենտրոնը Կենտրոն և Նորք-Մարաշ համայնքների ընդհանուր իրավասության դատարան հայց է ներկայացրել՝ ընդդեմ Կովկասյան ինստիտուտի (տնօրեն Ալեքսանդր Իսկանդարյան)՝ Հայոց Ցեղասպանությունը ժխտող գրականություն տարածելու համար։
Այս խնդրին անդրադարձել է նաև «Ֆրանս- Արմենիա»-ն նկատելով, թե Կովկասյան ինստիտուտը հրապարակել է «Կովկասյան հարևանություն` Թուրքիա և Հարավային Կովկաս»հոդվածը, որտեղ թուրք հեղինակը բացահայտորեն կասկածի տակ էր առնում Հայոց Ցեղասպանության փաստը` 34 անգամ «Ցեղասպանություն» բառը չակերտների մեջ առնելով: Հոդվածագիրը նաև նկատում է, թե Ալեքսանդր Իսկանդարյանը` Կովկասյան ինստիտուտի տնօրենն անգամ չի բարեհաճել ներկայանալ դատարան, վստահ լինելով, որ գործն ընդամենը 5 րոպե կտևի: «Իսկ դատավոր Կարինե Պետրոսյանի կողմից մերժման վճռի ներկայացումը տևեց ընդամենը 1 րոպե 15 վայրկյան»,-գրում է պարբերականը:
Dec 19 2009
Բողոք` Իսկանդարյանի թուրքամետության դեմ
Armar.am, Դեկտեմբեր 17, 2009թ.
Այսօր «Արմենիա» հյուրանոցի «Տրդատ» սրահում մեկնարկեց Կովկասյան ինստիտուտի և անձամբ Ալեքսանդր Իսկանդարյանի կողմից կազմակերպված սեմինարը, որը ֆինանսավորել է «Եվրազիա» հիմնադրամը և որին, ինչպես արդեն տեղեկացրել է ArmAr.am-ը, մասնակցում է նաև այն թուրք հեղինակ Այբարս Գյորգյուլուն, իրեն իրավունք է վերապահել Հայոց Ցեղասպանությունը ժխտող հոդված զետեղել Իսկանդարյանի հեղինակած ժողովածուում։
Dec 19 2009
Իսկանդարյանն ու Գյորգյուլուն քիրվայական կապերի մեջ են
Armar.am, 15.12.2009թ.
Վերջերս Կենտրոն և Նորք-Մարաշ վարչական տարածքների ընդհանուր իրավասության դատարանը կարճեց դատական այն գործը, որով «Կովկաս» ինստիտուտի տնօրեն Ալեքսանդր Իսկանդարյանը մեղադրվում էր ցեղասպանությունը ժխտող գրականություն թարգմանելու և տարածելու մեջ։ Կարելի է ասել՝ նա մեղադրվում էր ազգային դավաճանության մեջ։ Սակայն Ալ. Իսկանդարյանը դրանից հետո էլ իր մեղքը ոչ մի կերպ չընդունեց, արածը պատճառաբանելով՝ թե խմբագիրը պատասխանատու չէ հոդվածագրի բոլոր մտքերի ու արտահայտությունների համար, որ գրքի սկզբում ինքը նշել է, որ չի կիսում հոդվածագիրների տեսակետները։ Սակայն «Կովկաս» ինստիտուտի տնօրենն այդպես էլ չպատասխանեց մի հարցի, թե ինչո՞ւ է ընտրել հենց այդ հոդվածը և ինչո՞ւ է Հայոց Ցեղասպանությունը ժխտող գրականություն տարածում` իր իսկ միջոցների հաշվին։
Dec 18 2009
Դատական նիստերի ամբողջական ձայնագրությունը
| Առաջին նիստ, 03․12․2009 | |
| Երկրորդ նիստ, 04․12․2009 |
Dec 11 2009
Ծիծաղելիի և ողբերգականի արքաները
Աղբյուր՝ Հայաստանի զրուցակից, 11 դեկտեմբերի, 2009, #45 (116)
Դատավորը հովանավորում է ցեղասպանությունը ժխտողին
Մենք տեղյակ ենք, որ որոշ երկրներում Հայոց ցեղասպանության ժխտումը քրեորեն հետապնդելի արարք է համարվում: Այդ առումով կիրառվում է նաև դատական պրակտիկա, արդեն կան քրեական պատասխանատվության ենթարկված մարդիկ: Մասնավորապես` Շվեյցարիայում, Ֆրանսիայում: Բայց դուք գիտե՞ք, որ նույնը չի կարելի ասել Հայաստանի մասին, մեր երկրում այդպես չէ, մեր երկրում անգամ դեռ չսկսված գործը դատարանում կարճում են ու… գնա տուն:
Continue Reading »
Dec 03 2009
ԱՐԴԱՐՈՒԹՅՈՒՆ | ARDARUTYUN | АРДАРУТЮН
| «ԱՐԴԱՐՈՒԹՅՈՒՆ» ծրագրի մասին
«Արարատ» ռազմավարագիտական կենտրոնը հայտարարում է իր նոր՝ «ԱՐԴԱՐՈՒԹՅՈՒՆ» առգիծ եռալեզու (հայերեն, ռուսերեն և անգլերեն) ծրագրի մեկնարկը. Շատերն են արդեն լավատեղյակ, որ միջազգային ասպարեզում, ինչպես նաև բուն Հայաստանում համակարգված բնույթ են ստացել հակահայկական քարոզչության տարատեսակ դրսևորումները՝ չարամիտ ապատեղեկատվությունը, Հայության հանդեպ ատելության սերմանումը, ներազգային թշնամության բորբոքումը, Հայոց պատմության լկտի և համընդհանուր կեղծումը, այդ թվում՝ Հայոց ցեղասպանության հետևողական ժխտումը։ «Արարատ» ռազմավարագիտական կենտրոնի «ԱՐԴԱՐՈՒԹՅՈՒՆ» ծրագրի նպատակը մեր ազգային արժանապատվության պաշտպանությունն է՝ Հայաստանի ու Հայության շահերի դեմ ուղղված գաղափարական հարձակումներն ամբողջապես բացահայտելու, դրանց համարժեքորեն հակադարձելու, ապա և չեզոքացնելու միջոցով։ Մենք առաջնահերթ նշանակություն ենք տալիս հանրությանը պատշաճորեն տեղեկացնել Հայաստանի, նրա անցյալի և հայ ժողովրդի արդարություն ստանալու անօտարելի իրավունքի մասին։ Հուսով ենք՝ մեր այս նախաձեռնությունը կստանա Հայաստանում և Սփյուռքում գործող բազմաթիվ շահագրգիռ կազմակերպությունների ու անհատների աջակցությունը։ |
. | “ARDARUTYUN” (JUSTICE) PROJECT
The ARARAT Center for Strategic Research is announcing the commencement of its new ARDARUTYUN (JUSTICE) on-line project (in Armenian, Russian and English) at As many of you are well aware, various forms of anti-Armenian propaganda campaigns, namely the malicious disinformation and defamation, inciting of intra-Armenian rivalry, blunt falsification of the entire Armenian history, including the denial of the Armenian Genocide, have now attained a systematic character, both internationally and in Armenia proper. The ARDARUTYUN (JUSTICE) project is being launched with the purpose of defending our national dignity by thoroughly identifying, adequately countering and further neutralizing the consistent ideological hate attacks directed against the interests of our country and those of all Armenians. We aim at enlightening public opinion about Armenia, its past, and of our nation’s indispensable right for justice. We hope that this effort will receive the support of many civic organizations and individuals both in Armenia and the Diaspora. |
. | О ПРОГРАММЕ “СПРАВЕДЛИВОСТЬ”
Центр Стратегических Исследований АРАРАТ объявляет о начале своего нового онлайн проекта АРДАРУТЮН (Справедливость) на армянском, русском и английском языках: Многие из вас знают, что последовательная анти-армянская пропаганда различного толка – злонамеренная дезинформация и дефамация, провоцирование внутринациональной вражды, беспардонная и тотальная фальсификация армянской истории, включая отрицание Геноцида армян – приняла уже системный характер как на международной арене, так и в самой Армении. Проект АРДАРУТЮН инициирован с целью защитить наше национальное достоинство путем скрупулезного выявления, адекватного противодействия и конечной нейтрализации враждебных идеологических кампаний против интересов Армении и всего армянства. Наша цель – просвещение общественного мнения об Армении, ее прошлом, о неотъемлемом праве армянского народа на справедливость. Мы надеемся, что наша инициатива получит поддержку со стороны многих заинтересованных организаций и отдельных личностей как в Армении, так и в Диаспоре. |
Dec 01 2009
Տարբեր երկրներում Հայոց Ցեղասպանության ժխտման փորձերը դիտվում են որպես հանցանք, իսկ մեզանո՞ւմ…
Աղբյուր` Armar.am, 01.12.2009
Ինչպես հայտնի է, «Արարատ» ռազմավարագիտական կենտրոնը Կենտրոն և Նորք-Մարաշ համայնքների ընդհանուր իրավասության դատարան հայց է ներկայացրել՝ ընդդեմ Կովկասյան ինստիտուտի (տնօրեն Ալեքսանդր Իսկանդարյան)՝ Հայոց Ցեղասպանությունը ժխտող գրականություն տարածելու համար։ Գրքի նախաբանում, իհարկե, Ա. Իսկանադարյանը նշում է, որ հատորի հեղինակներն արտահայտում են իրենց անձնական տեսակետները, սակայն հարց է ծագում, ի՞նչն է դրդել վերջինիս թարգմանել, հրապարակել և տարածել այդ գրականությունը ռուսերեն և անգլերեն լեզուներով։ Ընդ որում, այդ ամենն անել իր ղեկավարած հաստատության միջոցների հաշվին:
Դատական առաջին նիստը կկայանա դեկտեմբերի 3-ին, ժամը 11:00, Կենտրոն և Նորք Մարաշ վարչական շրջանների ընդհանուր իրավասության դատարանում (հասցե՝ ք. Երևան, Թբիլիսյան խճուղի 3/9, թիվ 10 դահլիճ)։
«Արարատ» ռազմավարագիտական կենտրոնի տնօրեն, քաղաքագիտության դոկտոր Արմեն Այվազյանը մեզ հետ զրույցում նշեց, որ Հայաստանում նմանատիպ դատական գործ քննելու պրակտիկա մինչ այժմ չի եղել, և սա այդօրինակ առաջին հայցն է։
«Արարատ» կենտրոնն
Ո՛չ օտարալեզու դպրոցներին
